बिराटनगरमा रहेको ह्यासट्याग फुड एन्ड बारले ग्राहकको अत्यधिक मागका कारण आफ्नो अनलाइन खाना डेलिभरी सेवा सुरु गरेको छ ।
खाना र खाद्यान्न डेलिभरी गर्ने सेवा क्विकर फुडसँगको सहकार्यमा उक्त सेवा सुरु भएकाले ग्राहकलाई सुबिधा पुग्ने बिश्वास कम्पनीले लिएको छ । खाना बनाउने क्रममा आवश्यक सरसफाइ र सामाजिक दुरि कायम राख्दै स्वास्थ्यवर्द्धक खाना डेलिभरी गर्ने गरेको कम्पनीले जनाएको छ ।
हाललाई यो सेवा दिउँसो १२ देखि ४ बजेसम्म र बेलुकी ६ बजे देखि ९ बजे सम्म सेवा उपलब्ध हुने ह्यासट्याग फुड एण्ड बारका प्रबन्धक अभिनाश थापाले आवर विराटनगरलाई बताए । उनले ग्राहकले आफुलाई सहजता हुने गरी इ-सेवा/फोन पेको क्यु आर कोड वा एटिएम कार्डबाट पनि पैसा तिर्न सक्ने सुबिधा उपलब्ध गराएको जानकारी दिए ।
यसै गरी क्विकर फुडले यो विभिन्न खाद्यान्न तथा किराना सामाग्रीका साथै समय बोटा मोमो, क्याफे ग्रिल टु चिल, लजिज पिज्जा, नाङ्गलो , ओलाइव क्याफे, सारङ्गी फुड कोर्ड, भेलेन्टाइन बेकरी क्याफे लगायतको खाना डेलीभरी गरिरहेको छ ।