विराटनगर महानगरपालिकाले बाहिरबाट आएका व्यक्तिहरुको बारेमा जानकारी दिन महानगरवासीहरुलाई आह्वान गरेको छ । आज मंगलबार एक सुचना जारी गर्दै महानगरले कोभिड-१९ को संक्रमणलाई मध्यनजर गर्दै विराटनगर बाहिरबाट आएका व्यक्तिहरुको बारेमा प्रत्येक टोलमा गठित एक्सन टिम र सम्ब्नधित वडाका वडा अध्यक्षहरुलाई जानकारी गराउन अनुरोध गरेको हो । महानगरले उक्त सूचनामा विराटनगर बाहिरबाट आउने व्यक्तिहरुको कोभिड-१९ संक्रमण भए नभएको परीक्षण गराएर मात्र घरभित्र प्रवेश दिन समेत अनुरोध गरेको छ ।
