विराटनगर । विराटनगर महानगरपालिका भित्र रहेका विभिन्न स्थानका निजी स्कुल तथा सरकारी विद्यालयमा होल्डिङ एरीया बनाउन लागेको भन्दै स्थानियद्धारा विरोध हुन थालेको छ ।
विराटनगर–५ स्थित दिल्ली पब्लीक स्कुलमा बनाईएको होल्डिङ एरियामा भारतबाट आएका नेपाली नागरिकलाई राख्ने बिषयप्रति असन्तुष्टि व्यक्त गर्दै विरोध प्रदर्शन गरेका हुन ।
प्रदेश नं. १ सरकारले भारतीय सीमावर्ती क्षेत्रसँग प्रत्यक्ष रुपमा जोडिएका झापा, मोरङ्ग, सुनसरी र ईलाम लगायतका जिल्लाहरुमा ५ हजार क्षमताको होल्डिङ एरिया निमार्ण गर्ने निर्णय गरेको छ । सरकारले कोरोना भाईरसको रोकथाम तथा नियन्त्रणका लागी उक्त जिल्लाहरुमा क्वारेन्टाईन सहितको होल्डिङ एरिया निमार्ण गर्ने निर्णय गरेको हो ।
प्रदेश सरकारको सोही निर्णय बमोजिम विराटनगर महानगरपालिकाले पनि कोरोना सङक्रमणको रोकथाम तथा न्युनीकरणका लागी विराटनगरका विभिन्न वडाहरुमा भारतबाट आएका नेपाली नागरिकहरुलाई राख्न क्वारेन्टाइन सहितको होल्डिङ एरिया बनाउने निर्णय गरेको थियो । महानगरपालिकाले विराटनगर–१३ स्थित डि.ए.भी स्कुल र विराटनगर–५ स्थित दिल्ली पब्लिक स्कुलमा होल्डिङ एरिया निमार्णको तयारी थालेको थियो ।
तर सम्बन्धित वडाका नगरबासीले सुरुवाती चरणदेखि नै महानगरको उक्त निर्णयप्रति विरोद्य जनाउँदै आएका थिए ।
उनीहरुले सम्बन्धित वडामा होल्डिङ एरिया बनाउँदा समुदायस्तरमा कारोना सङक्रमण फैलनसक्ने त्रासले विरोध जनाउँदै आएका छन् ।
यद्यपि विराटनगर–१३ स्थित दिल्ली पब्लिक स्कुलमा भने ४ सय क्षमताको होल्डिङ एरिया निमार्ण भईसकेको छ । त्यहाँ हाल भारतबाट आएका कुल ७४ जना नेपाली नागरिकहरुलाई राखिएको छ । जसमा जेठ १३ र १४ गते जोगबनी नाका हुँदै नेपाल भित्रिएका ३ सय ६० जनामध्ये २ सय ८६ जनालाई सम्बन्धित जिल्ला प्रशासन कार्यालयको समन्वयमा उनीहरुको आ–आफ्नो गन्तव्यसम्म पुर्याई सकिएको छ ।
तर विराटनगर–५ स्थित दिल्ली पब्लिक स्कुलमा निमार्ण गरिएको होल्डिङ एरिया स्थानीयबासीले विरोध गरेपछि प्रयोगमा आउन सकेको छैन । उनीहरुले निर्माण गरिएको होल्डिङ एरिया सञ्चालनमा आएपछि स्थानीय बासिन्दा पनि कोरोना सङक्रमणको उच्च जोखिममा पर्न सक्ने स्थानिय अलिा खातुने गुनासो गरिन् ।तर जोगबनी नाकामा दिनहुँ नेपाल भित्रन चाह्ने नेपाली नागरिकहरुको सङख्या दिनप्रतिदिन बढ्दै गएपछि महानगरपालिकाले विराटनगर–७ स्थित आर्दश मा.वि मा थप ३ सय क्षमताको होल्डिङ एरिया निमार्ण गरि आजैदेखि सञ्चालनमा ल्याएको छ । भारतबाट आएका नेपाली नागरिकलाई जथाभाबी छोडिदिए समुदाय स्तरमा कोरोना भाईरसको सङक्रमण फैलिन सक्ने विराटनगर महानगरपालिकाका मेयर भीम पराजुलीले बताए । होल्डिङ एरियाको सम्बन्धमा स्थानीयद्धारा गरिएको विरोध सान्दर्भिक नभएको मेयर पराजुलीले धारणा व्यक्त गरे ।
कोरोना सङक्रमणको जोखिम न्युनीकरण गर्न विराटनगर महानगरपालिकाले भने १९ वटै वडामा क्वारेन्टाईन निमार्णको तयारी गरेको छ । महानगरले दीर्घकालीन सोचका साथ क्वारेन्टाईन निमार्णका लागी विभिन्न होटल व्यावसायीहरुसँग समेत समन्वय गरेको छ ।
