विराटनगर । मोरङ बडिबिल्डिङ एण्ड फिटनेस एसोसिएसनले सामाजिक दुरी कायम गरेर जिम क्लबहरु खोल्न पाउनुपर्ने माग गरेको छ ।
एसोसिएसनले आईतबार मोरङका प्रमुख जिल्ला अधिकारीलाई ज्ञापन पत्र बुझाउदै यस्तो माग राखेका हुन् । लकडाउनका कारण जिम क्लबहरु संचालन गर्न नपाउँदा कर्मचारीलाई तलब तथा सेवासुविधा दिन नसकिएको र कतिपयय बिरामीहरुको उपचार समेत प्रभावित भएको मोरङ बडिबिल्डिङ एण्ड फिटनेस एसोसिएसन अध्यक्ष अमलेश कर्णले जानकारी दिए । फिजियोथेरापी, डाइबिटिज, प्रेसर, डिप्रेसनलगायत अन्य बिरामीले जिम गर्न नपाउँदा समस्या भएको कर्णको भनाई छ । ज्ञापन पत्र बुझाउदै आफूहरुले क्लब संचालन गर्दा ज्वरो नापेर मात्रै प्रवेश गराउने, साबुन पानीले हात, खुट्टा धुने र सेनिटाइजर प्रयोग गर्ने, ब्यायम सकिएपछि उक्त स्थानलाई सेनिटाइज गर्ने लगायतका प्रतिबद्धता जनाएका छन् ।
