विराटनगर । नेपाल मेडिकल कलेज जोरपाटीका ईमरजेन्सी मेडिकल अफिसर डाक्टरलाई विरामीका आफन्तहरुले कुटपिट गरेको विरोधमा विराटनगर स्थित कोभिड अस्पतालमा कार्यरत डाक्टर र स्वास्थ्यकर्मीहरुले सांकेतिक विरोध गरे्का छन् ।
उनिहरुले उपचारमा खटिएका डाक्टरलाई हातपात गर्नेहरुलाई कानुनी कारवाही हुनुपर्ने माग राखेर विरोध गरेका हुन । कोभिड अस्पतालमा कार्यरत उनिहरुले आफु बस्ने क्वारेण्टाइनबाटै विरोध गरेका हुन् ।
उनिहरुले हामीलाई न्याय चाहियो , दोसीलाई कानुनि कारवाही हुनुपर्छ, हामीलाई भाइरस संग होइन मान्छे संग डर लाग्छ , हामीलाई न्याय चाहियो जस्ता विभिन्न नारा लेखेका प्लेकाड बोकेर विरोध जनाएका छन् ।
उनिहरुले स्वास्थ्य उपचारमा खटेको डाक्टर माथि विरामीका आफन्तले नै हातपात गर्न थाले पछि आफुहरु असुरक्षित रहेको भन्दै विरोध जनाएका छन् । कोभिड अस्पतालमा खटिएका स्वास्थ्यकर्मीहरुले दिनरात विरामीको उपचारमा खटिने डाक्टर माथिको हातपालको सिसि फुटेज समेत लुकाएको हुनाले दोशीलाई छानविन गरी कानुनी सजाय हुनपर्ने माग राखेका छन् ।
