विराटनगर जेठ २४,
प्रदेश नम्बर १ मा आज थप ३९ जना कोरोना संक्रमित थपिएका छन् । सुनसरीमा १७ जना,मोरङमा ६ जना, र भोजपुरमा ५ जना, झापामा ११ जनामा कोरोना भाइरस संक्रमण पुष्टि भएको हो ।
सुनसरीमा भोक्राह नरसिंह गाउँपालिकामा १२, बर्जु गाउँपालिकामा ३, धरान उपमहानगरपालिका र बराहक्षेत्र नगरपालिकामा १/१ जनामा कोरोना संक्रमण देखिएको छ ।
मोरङका सबै संक्रमित रतुवामाई नगरपालिकाका हुन् । रतुवामाईमा कुल संक्रमित संख्या ८ पुगेको छ । भोजपुरका सबै ५ जना संक्रमित षडानन्द गाउँपालिकाका रहेका छन् ।
विराटनगरको कोशी अस्पताल, प्रदेश जनस्वास्थ्य प्रयोगशाला र विपी कोइराला स्वास्थ्य विज्ञान प्रतिष्ठान धरानमा परीक्षण गर्दा पोजेटिभ देखिएको स्वास्थ्य तथा जनसंख्या मन्त्रालयले जनाएको छ ।
