विराटनगर । विराटनगर–४ इक्राहीमा भएको सवारी दुर्घटनामा एक युवतीको निधन भएको छ ।
विराटनगरस्थित निहारिका कलेज एमबीएस दोस्रो वर्ष अध्ययनरत २३ वर्षीया रोजिना निरौलाको निधन भएको मोरङ प्रहरी प्रवक्ता मान बा. राईले जनाकारी दिए ।
शनिबार दिउँसो पश्चिमतर्फ गहिरहेको रोजिना सवार मोटरसाइकललाई ट्याक्टरले ठक्कर दिंदा भएको दुर्घटनामा रोजिनाको घटनास्थलमा नै मृत्यु भएको मोरङ प्रहरीले जनाएको छ । उनको श्रीमान् खग्रेन्द्र अधिकारीले चलाएको अपाची मोटरसाइकल दुर्घटनामा परेको थियो । रोजिनाको गत मंसिरमा विवाह भएको थियो ।
