विराटनगर । विराटनगरमा पुन थप एक जना कोरोना पोजेटिभ देखिएको छ । दुवई असार ९ गते आएकी एक २५ बर्षिया महिलामा कोरोना पोजेटिभ देखिएको हो ।
विराटनगर महानगरपालीका वडा नं ७ की ती महिलामा कोरोना पोजेटिभ देखिएको विराटनगर महानगरपालीका जनस्वास्थ्य महाशाखा प्रमुख रमेश कार्कीले जानकारी दिनुभयो । उनको हिजो पिसिआर गरिएको थियो । विराटनगरमा अहिले सम्म ११ जनामा कोरोना पोजेटिभका संक्रमित फेला परेका छन् भने ६ जनाले कोरोना जितेर घर गईसकेकाछन् ।
