विराटनगर । ट्राभल डेन्टिस्ट्री नेपालको पहलमा कोशी अस्पताल विराटनगर कोभिड–१९ उपचार केन्द्र र विराटनगर महानगरपालिकाले सन्चालन गरिरहेका विभिन्न क्वारेन्टाइनमा रहेका बसेका नागरिकका लागि ‘टुथब्रस र टुथपेस्ट’ वितरण गरिरहेको छ ।
हामी युवा संस्थाको सहजीकरणमा ट्राभल डेन्टिस्ट्रीले अस्पताल तथा क्वारेन्टाइनका नागरिकका लागि सहयोग उपलब्ध गराएको हो ।
सहयोग सामाग्रीका लागि कार्यक्रमका प्रदेश १ संयोजक डा. सुजन गौतमले पहलमा गर्नु भएको थियो । मुखको माध्यमबाट विभिन्न संक्रमणहरु समेत फैलने भएकाले क्वारेन्टाइन र आईसोलेशनमा रहेका नागरिकका लागि सामाग्री प्रदान गरिएको हामी युवाका महासचिव अभिषेक भट्टराईले बताएका छन् ।
