विराटनगर । चार दशक यातायात मजदुरको रुपमा क्रियाशील जीवनयापन गरेका स्वर्गिय . नारायण लामाको जन्मदिनको स्मरण गर्दै विराटनगरमा यातायात मजदुरलाई राहत वितरण गरिएको छ । तुलसी बहुमुखी सहकारी संस्थाको सहयोगमा विराटनगर ट्यक्सी स्ट्याण्डका ३० जना यातायात मजदुरहरुलाई खाद्यान्न सहयोग गरिएको हो ।
राहत वितरणमा बिराट बुद्ध स्पोर्टिङ क्लब बिराटनगरका अध्यक्ष रोहित कोइराला, सहयोगी संस्थाका प्रतिनिधि तथा साग गेमका स्वर्ण पदक विजेता राम लिम्बू, मजदुर नेता मनोज सिंह राईलगायतको सहभागिता रहेको थियो ।
लकडाउनले गर्दा समस्या परेका मजदुरहरूलाई राहत स्वरूप सहयोग प्रदान गरेको विराट बुद्ध स्पोर्टिङ्ग क्बल विराटनगरका अध्यक्ष कोइरालाले बताए । यसअघि पनि लामाको जन्मदिनमा विभिन्न सामाजिक कार्यक्रमहरु ग्रिर्दै आएको थियो ।
