विराटनगर । ट्राफिक प्रहरीले विराटनगर बसपार्कबाट छुट्ने यात्रु वाहक सवारीका चालक तथा सह–चालकलाई अनिवार्य स्वास्थ्य सुरक्षा सतर्कता अपनाउन कडाई सुरु गरेको छ ।
बसपार्कबाट यात्रु वहाक सवारी छुट्नु अगाडी चालक तथा सहचालकले मास्क, पन्जा लगाए–नलगाएको देखि यात्रुहरुका लागि बस्ने सीटको अवस्था समेत हेर्न थालिएको हो ।
ट्राफिक प्रहरी कार्यालय मोरङले यो बस छुटेदेखि बसको गन्तव्यस्थानसम्म जुनसुकै स्थानमा पनि क्रस चेक गर्ने भएको छ । दैनिक यो नियमलाई कडाईपूर्वक कार्यन्वयनमा लगिने भएको हो ।
