नेपाली राष्ट्रियगान गाउँदै चन्द्रसुर्य झन्डासहित हिमाल आरोहण गरिरहेको आरोहिहरुको भिडियो इन्टरनेटमा यसरी भाइरल भइरहेको छ जसले नेपाली शिर उच्च मात्र पार्ने होइन संसारलाई नै नेपालको साहस देखाएको छ । उक्त भिडियो १० जना नेपाली पर्वतारोहि समुहले पाकिस्तानमा रहेको माउन्ट के टु आरोहण गर्दाको हो ।
माउन्ट केटु (K२) सगरमाथा पछि पृथ्वीको दोश्रो सबै भन्दा अग्लो पर्वत हो। जसको ऊँचाई ८ हजार ६ सय ११ मिटर छ । केटु कराकोरम श्रेणीको हिस्सा हो जुन पाकिस्तानको गिलगितमा गिलगित-बल्टिस्तान र चीनको क्सिन्जियांगको टैक्सकोर्गन तजिक स्वायत्त देशको सिमामा स्थित छ। चीन तर्फबाट केटुमाथि आरोहण गर्न धेरै खतरनाक भएरै हो यसको आरोहण पाकिस्तान तर्फबाट धेरै गरिन्छ। यस पर्वतको अप्ठेरोपन र आठ हजारीमा दोश्रो सबैभन्दा धेरै मृत्यु दर भएकाले केटु पर्वतारोही बीच क्रुर पर्वत भनेर पनि चिनिन्छ। यसको आरोहणको प्रयास गर्ने ४ मध्ये एक पर्वतारोहिको मृत्यु भएको तथ्याकंले देखाउछ ।
तर यस पटकको हिउँद याममा नेपाली आरोहिहरुले अचम्मै गरे,
निर्मल पुर्जा, मिङ्मा शेर्पा, किली पेम्बा शर्पा, दावा तेन्जिङ शेर्पा लगायतको १० जना नेपाली पर्वतारोहीको टोलीले माघ ३ गते शनिवार साँझ करिब ५:४५ बजे केटु शिखर चुमेका छन् ।
आठ हजारभन्दा अग्ला हिमालमध्ये केटु मात्रै यस्तो हिमाल थियो जुन हिउँदमा चढ्न सकिएको थिएन। केटु हिमाल आरोहण गर्नुलाई निकै कठिन र संसारकै खतरनाक हिमाल मानिन्छ।
सगरमाथापछिको विश्वकै दोस्रो अग्लो हिमाल केटुको आरोहण हिउँदमा यसअघि कहिलै भएको थिएन।
उपयुक्त मानिने ग्रिस्म वा वसन्त मौसममा समेत यसको आरोहण निक्कै अप्ठ्यारो मानिने गरिन्छ । यसको चुचुरोमा ४ सय भन्दा कम व्यक्तिहरु मात्र पुगेका छन् । यसको चुचुरोमा भन्दा बढि व्यक्तिहरु बरु अन्तरिक्षमा गएका छन् ।
तर यस पटकको हिउँदमा यसको आरोहण एक होइन १० जना नेपाली आरोहिले यसको सफल आरोहण गरिसकेपछि यस हिमालमा मानव सभ्यताको जीत हिँउद महिनामा समेत हुन पुगेको छ ।
यसबाट नेपाली र अन्य विश्वका मानिसहरु भन्दा बढि पाकिस्तानीहरु खुसी भएका छन् ।
माउन्ट केटुको सफल आरोहण सकेर फर्किएको नेपाली पर्वतारोही टोलीलाई पाकिस्तानमा भव्य अभिन्दन् गरिएको थियो। पाकिस्तानका सेना प्रमुख र राष्ट्रपतिले भेटेर उनीहरुलाई यस बहादुरी र महत्वपुर्ण कार्यका लागि बधाई तथा धन्यवाद दिएका थिए। यसै गरि यो टोलीको साहसको तारिफ गर्दै भारतीय काँग्रेसका प्रमुख राहुल गान्धीले शुभकामना दिए । साथै उनीहरुको नेपालमा समेत नागरिक अनि प्रधानमन्त्रीस्तरबाटै भव्य स्वागत तथा सम्मान व्यक्त भएको थियो ।
विश्वको सर्वोच्च शिखर सगरमाथा अर्थात माउन्ट एभरेस्ट नेपालमा छ । सगरमाथा र अन्य हिमालहरुसँग जोडेर विश्वले नेपाललाई शेर्पाहरुको देश पनि चिन्दछ । हिमाल आरोहणको क्षेत्रमा शेर्पा समुदायले नेपाल अनि विश्वालाई जे दिएको छ त्यसको कुनै तुलना हुँदैन । यस पटक यस अघि असम्भव भएको माउन्ट के टुको हिउँदे आरोहण सम्भव बनाउने सदस्यहरुलाई धेरै धेरै धन्य दिन चाहन्छौ । यहाँहरुलाई सलाम छ ।
