झापा । झापाको गौरीगंज गाउँपालिका वडा २ पिण्डानघुटु स्थित खोलामा माछा मार्न गएका १ जना पुरुषको डुबेर मृत्यु भएको छ । मृत्यु हुनेमा झापा गाउँपालिका वडा १ बस्ने ३८ बर्षिय भिम सोरेन रहेका छन् ।
सोरेन शनिबार बेलुका माछा मार्न गएकोमा बिहानसम्म घर फर्कि नआएको भनि प्रहरीलाई खबर गर्नासाथ तत्काल प्रहरी टोलि खटि खोजतलास गर्ने क्रममा आइतबार दिउँसो २:३० बजे खोलामा डुबी मृत अबस्थामा फेला परेको हो ।
घटना बारे ईलाका प्रहरी कार्यालय गौरीगंजबाट थप अनुसन्धान भइरहेको जनाएको छ ।
