झापा । बिर्तामोड नगरपालिका-६ डेरा गरी बस्ने ३८ वर्षीय हंस बहादुर नेम्वाङको कोठामा तास खेलिरहेको अवस्थामा नेम्वाङ सहित १० जनालाई शनिबार दिउँसो प्रहरीले पक्राउ गरेको छ । उनको कोठामा जुवातास खेलिरहेको भन्ने सूचनाको आधारमा ईलाका प्रहरी कार्यालय अनारमनीबाट खटिएको प्रहरीले उनीहरूलाई नगद रु.४५ हजार रूपैयाँ, भारतीय नगद रु.२२ हजार ५ सय रूपैयाँ र ६ बुक तास सहित फेला पारी पक्राउ गरेको हो ।
बागलुङ, बागलुङ नगरपालिका-३ मुलपानी बस्ने प्रकाश रेग्मीको घरमा जुवा खेलिरहेको अवस्थामा सोही नगरपालिका-३ बस्ने दिवसराज पन्त लगायत ८ जनालाई शनिबार राति प्रहरीले पक्राउ गरेको छ । रेग्मीको घरमा कौडा (जुवा) खेलिरहेको भन्ने खबर प्राप्त हुनासाथ जिल्ला प्रहरी कार्यालय बागलुङबाट खटिएको प्रहरीले उनीहरूलाई नगद रु.२ लाख १ हजार रूपैयाँ र १६ थान कौडा सहित फेला पारी पक्राउ गरेको हो ।
घटना बारेमा प्रहरीले आवश्यक थप अनुसन्धान गरिरहेको जनाएको छ ।
फोटो: साङ्केतिक
