विराटनगर । मोरङको सुन्दरहरैंचा नगरपालिका–६ जुलबीचौकका मणीकुमार तामाङलाई हत्या आरोपमा प्रहरीले पक्राउ गरेको छ ।
गत चैत ३० गते देवीप्रसाद तामाङ र अर्का मानबहादुर तामाङबीच जग्गाको विषयमा झगडा हुँदा मणीले मानबहादुरलाई चिर्पट प्रहार गरि घाइते बनाएका थिए ।
उनको न्यूरो अस्पताल विराटनगरमा उपचारका क्रममा बैशाख २ गते मृत्यु भएपछि प्रहरीले मणीकुमारलाई पक्राउ गरेको हो । इलाका प्रहरी कार्यालय बेलबारीले घटनाको थप अनुसन्धान गरिरहेको छ । ३५ वर्षीय मणीकुमार तामाङ ६४ वर्षीय देबीप्रसाद तामाङका छोरा हुन् ।
