विराटनगर बैशाख ७ ,
मोरङ सुन्दरहरैचा स्थित इटहरी इन्टरनेसनल कलेजमा स्प्रिङ कार्निभल सम्पन्न भएको छ । बैशाख ५ गते कलेजमा आयोजित उक्त कार्निभलमा नेपालका चर्चित गायक सबिन राई एण्ड फ्यारो ब्याण्डको मुख्य प्रस्तुति रहेको थियो ।
साथै कार्निभलमा बिभिन्न खानाको स्टल,खेल , फोटो बुथ साथै इटहरी इन्टरनेसनल कलेज, विराटनगर इन्टरनेसनल कलेजका बिद्यार्थीले बिभिन्न प्रस्तुति समेत देखाएका थिए । कार्यक्रमको मुख्य अतिथिको रुपमा सुन्दरहरैचा नगरपालिकाका मेयर शिव ढकाल रहेका थिए ।
इटहरी इन्टरनेसनल कलेजले बेलायतको लन्डन मेट्रोपोलिटन विश्वविधालयको साझेदारीमा बिबिए र बिआइटिको कोर्ष पढाउदै आएको छ ।
