विराटनगर । मोरङको सुनवर्षी नगरपालिकामा विजयी जुलुस निकाल्ने क्रममा ट्रयाक्टर दुर्घटनामा परी १३ जना घाईते भएका छन् ।
सुनवर्षी–६ स्थित सिटौला टोलमा नेकपा (एमाले) को विजयी जुलुस निकाल्ने क्रममा ट्रयाक्टर दुर्घटना हुँदा उनीहरु घाईते भएका हुन् । घाईतेमध्ये २ जनाको अवस्था गम्भीर रहेको बताईएको छ । उनीहरुलाई उपचारका लागि नजिकैको अस्पतालमा भर्ना गरिएको जनाईएको छ । घटना बारे थप यकीन विवरण प्राप्त हुन बाँकी छ ।
मोरङको सुनवर्षी नगरपालिकाको प्रमुखमा भने नेकपा (एमाले) बाट श्याम प्रसाद राजवंशी ८६३९ र उपप्रमुखमा पनि एमाले बाटै मिरा देवी दास केवरत ८३८३ मत सहित विजयी भएका थिए ।
