नेपाली राष्ट्रिय क्रिकेट टोलीका कप्तान सन्दीप लामिछानेले श्रीलंकाको लंकन प्रिमियर लिग (एलपीएल) क्रिकेट खेल्ने भएका छन् । लंकन प्रिमियर लिगको फ्रेन्चाइज क्लब डम्बुला जायन्ट्सले मंगलबार सन्दीपलाई लिएको हो ।
डम्बुलाले सन्दीपलाई ड्राफ्टबाट ‘इन्टरनेसनल डायमण्ड क्याटोगरी’मा अनुबन्ध गरेको हो । सन्दीपले उक्त प्रतियोगिता खेलेबापत ४० हजार अमेरिकी डलर पाउनेछन् ।
लंकन प्रिमियर लिगमा पाँच टोलीले प्रतिस्पर्धा गर्नेछन् ।
ड्राफ्टमा ३५३ खेलाडी सूचीकृत भएका थिए । जुलाई ३१ बाट हुने प्रतियोगिताको ड्राफ्टमा १८० विदेशी खेलाडी थिए भने १७३ श्रीलंकाका खेलाडी थिए ।
तेस्रो संस्करणको प्रतियोगिता अगस्ट २१ सम्म चल्नेछ ।
