विराटनगर । विराटनगर–१८ बाट प्रतिबन्धित लागुऔषध ब्राउन सुगर सहित दुई जनालाई प्रहरीले पक्राउ गरेको छ ।
कोशी प्रदेश प्रहरी कार्यालय विराटनगरको आरआईटी समुहबाट खटिएको प्रहरी टोलीले भारतबाट नेपाल तर्फ आउदै गरेको को. १९ प ५७५२ नम्बरको मोटरसाईकललाई चेकजाँच गर्दा उनीहरु पक्राउ परेका हुन् ।
मोटरसाईकलमा सवार सिराहा धनगढी नगरपालिका–७ का २२ बर्षीय अमरेस कुमार मेहेता र धनगढी नगरपालिका–८ का ४० बर्षीय कारीराम मेहेताको साथबाट १ ग्राम ४८ मिलिग्राम ब्राउन सुगर फेला पारी पक्राउ परेको छ ।
उनीहरुमाथि इलाका प्रहरी कार्यालयले थप अनुसन्धान गरिरहेको छ ।
