इङ्लिस प्रिमियर लिग फुटबलमा चेल्सी र लिभरपुलले बराबरी खेलेका छन् । गएराति भएको निकै प्रतिस्पर्धात्मक खेलमा चेल्सी र लिभरपुलले एक–एकको बराबरी खेलेका हुन् ।
लिभरपुलले खेलमा सुरुवाती अग्रता लिए पनि अग्रतालाई जोगाउन सकेन । लिभरपुलका लुइस डियाजले १८औँ मिनेटमा गोल गरे ।
यस्तै, चेल्सीका एक्सेल डिसासीले खेलको ३७औँ मिनेटमा गोल गर्दै खेललाई बराबरीमा ल्याए ।
यस्तै, इङ्लिस प्रिमियर लिग फुटबलकै अर्को खेलमा टोटेनहम हट्सपर र ब्रेन्टफोर्डले पनि बराबरी गरेका छन् । यी दुई टोलीबीचको खेल २–२ को बराबरीमा सकिएको हो ।
