विराटनगर । गाँजा खेती र कारोबारका लागि उद्गम मानिएको धनकुटाका तीन स्थानीय तहमा प्रहरीले अभियानकै रुपमा फडानी सुरु गरेको छ ।
जिल्ला प्रहरी कार्यालय धनकुटा र मातहतका प्रहरी कार्यालयहरुको टोलिले शहिदभूमि र साँगुरीगढी गाउँपालिका र पाख्रीबास नगरपालिकामा अभियानकै रुपमा गाँजा खेती नष्ट गर्ने कार्य सुरु गरेको हो ।
कोशी प्रदेश प्रहरी कार्यालय विराटनगरका अनुसार जिल्ला यी तीन पालिकामा ४१२ रोपनीमा लगाएको एकलाख ७८ हजार भन्दा बढी गाँजाको बोट फुल्नु अगावै नष्ट गरिएको छ । प्रहरीले अवैध रुपमा लगाइएको गाँजा नष्ट गर्ने अभियानलाई अझै केहिदिनसम्म सञ्चालन गर्ने भएको छ ।
