यही शुक्रबारबाट प्रदर्शनमा आउने परदेशी –२ चलचित्रको प्रचार प्रसार गर्दै देश दौडाहमा हिडेका अभिनेता प्रकाश सपुत, अभिनेत्री वर्षा सिवाकोटी, चलचित्रका निर्माता राजेश वंशलसहित अन्य कलाकारहरू सोमबार पुर्वमा आएका छन् । उनीहरु विराटनगरका कलेज, सामाजिक कार्यक्रम लगायतमा सामेल भइरहेका छन् । उनीहरु सोमबार विराटनगर –७ स्थित मेरिल्याण्ड कलेजमा बिद्यार्थीमाझ चलचित्रको प्रचारको लागि पुगेका थिए ।
अभिनेता प्रकाश सपुत र अभिनेत्री वर्षा सिवाकोटीले विद्यार्थीहरु माझ मनोरञ्जन प्रदान गरे । उनीहरुले उक्त चलचित्रको चर्चित गीतमा नृत्य प्रस्तुत गरी मनोरञ्जन दिलाए । उनीहरुको प्रस्तुतिलाई विद्यार्थीहरुले भरपुर मनोरञ्जन लिए । उक्त चलचित्र नेपाली सिनेमा घरहरुमा असोज २६ गतेदेखि प्रदर्शन हुदैछ ।
चलचित्रमा केकी अधिकारी, वर्षा सिवाकोटी, दिलिप रायमाझी, प्रशान्त तामाङ, देवेन्द्र बब्लु, नारायण रायमाझी, राजेश वंशल, रमेश विजी लगायत कलाकारहरुको भूमिका रहेको छ ।
