एसीसी यू-१९ प्रिमियर कपको फाइनलमा आज नेपाल र युएई भिड्दैछन् । नेपालले सेमिफाइनलमा जापानलाई पराजित गर्दै फाइनलमा पुगेको हो भने युएईले सिंगापुरलाई पराजित गरेर फाइनलमा पुगेको हो ।
फाइनलमा पुगेसँगै नेपाल र युएई एसिया कपका लागि छनौट भइसकेका छन् । त्यसैगरी तेस्रो स्थानको खेलमा जापानले सिंगापुरलाई पराजित गरेसँगै तेस्रो हुँदै एसिया कपका लागि छनौट भएको छ ।
एसिया कपमा भारत, पाकिस्तान, बंगलादेश, अफगानिस्तान र श्रीलंका सोझै छनोट भएका छन् भने प्रिमियर कपबाट नेपाल, युएई र जापान एसिया कपमा छनौट भएका छन् । आज हुने फाइनलबाट प्रिमियर कपको विजेता र उपविजेताको टुंगो लाग्ने छ । यू-१९ एसिया कप आगामी डिसेम्बरमा पाकिस्तानमा आयोजना हुँदै छ ।
