गजल

-सृष्टि सावित्रा
सबथोक पाएर पनि खुशी बन्न नसकेको
म तिम्रै प्रेमिका हुँ! श्रीमती बन्न नसकेको

सियोबाट तरबार बनिसके आफ्नाहरु
म पुरानै कर्द हुँ! खुकुरी बन्न नसकेको

आँखामा बस्ने हरुको के कुरा गर्नु यहाँ
कोही छ,मुटुमै बसेर ढुक्ढुकी बन्न नसकेको

लेख्नु त धेरै थियो अट्न सकेनन् शब्दहरु
म उही गजलकार हुँ! कवि बन्न नसकेको

प्रतिफल दिन सकेन प्रेमको लगानीले
यसकारण हो मेरो जिन्दगी बन्न नसकेको

---

---

तपाईको प्रतिक्रिया लेख्नुहोस्