-सृष्टि सावित्रा
आदर्शले नै पाउने रहेछ यो आदर्श पनि
माग्दा सित्तैमा पाइदैन थियो परामर्श पनि
काँडाहरुको निसानी अझै भेटिन्छ पाउमा
कुनै दिन यतिसम्म गरिए छ संघर्ष पनि
सुखीकै पेवा रहेछन् संसारका खुशीहरु
दुखीको भागमा कहिल्यै पुग्दैनन् हर्ष पनि
नजर जुधाउन सुरुवात तिमीले गरेपछि
तिम्रै हातमा छोडेकी हुँ मैले निष्कर्ष पनि
मैले गुलाब दिँदा तिमी नजर मोडि हिंड्छौ
अचेल चोटमा भेट्छु म प्यारको स्पर्श पनि
