गजल

- सृष्टि सावित्रा
कोपिलाहरु छिट्टै फक्रिने रहरमा छन्
फक्रिसकेका थुङ्गाहरु खस्ने डरमा छन्

तिमी हिँड्दा सडकमा मन बिछ्याउथें मैले
आज मेरा गोडाहरु काँडाको सफरमा छन्

तिम्रो साथमा सुरक्षित छु म कसरी भनौं ?
प्रेमी द्वारा प्रेमीकाको हत्या खबरमा छन्

रहर बोकेका आँखाहरु शहर पुगिसके
बाध्यताका पाइलाहरु अझै बगरमा छन्

बृद्धा आश्रम कुर्दैछन् जिउँदा भगवानहरु
आखिर हाम्रो आस्था अझै पत्थरमा छन्

यो खबर पढेर तपाईलाई कस्तो महसुस भयो ?

तपाईको प्रतिक्रिया लेख्नुहोस्