-नवराज भट्ट 'कान्छोडिको '
फूल बनेर फूलनु यो त बेगलै कुरा
भँवरा बनेर डुलनु यो त बेगलै कुरा
रहरहरु लत्ताइदिए सपनाहरु टेकी
इंद्रेनी बनेर खुलनु यो त बेगलै कुरा
नदीसंग छाद हालेर रूँछ बगर
तीर बनेर भूलनु यो त बेगलै कुरा
अफठेरोमा नि हास्ने एक म अर्कों तिमी
सुनगाभा बनेर झूलनु यो त बेगलै कुरा
गहिराई नाप्न भनि यात्रा तय गरेछ
नून बनेर घुलनु यो त बेगलै कुरा
हातको ठेला देखेर हेला गर्नेहरुले बुझ
साहू बनेर असूलनु यो त बेगलै कुरा
