- आरजे महेश भट्टराई
आमा आज तिम्रो मुहार हेर्ने दिन
तिमी दु:खी हाेइन सुखी हेर्ने दिन ।
लहर नै चलेको छ आमा सन्तानहरूले यहाँ देश छाेड्ने ,
जिउँदै फर्किए ठिकै थियो बाकसमा आउँछन् आमा काे छ र यहाँ कसले देख्ने ।
वृद्धा आश्रम हुँदैछ दिन दिनै आमा तिम्रो आफ्नो जन्म दिने देश,
लास ढल्दा उठाउनलाई विदेशी सन्तानहरू पर्खदैंछ आमा कस्तो भयो विचित्रको याे परिवेश ।
डाँडामाथिकाे जुन,घाम तिमी कतिखेर के हुन्छ आमा पीडा कसलाई भन्ने ,
सत्तामा मस्त नेताहरूले नै आज खै के बनाए आमा युवा नभएको देश ।
वेराेजगारी समस्याले नै आमा तिमी अनि मलाई छुट्याएको छ ,
मरे , बाँचे दैवले साँचे आमा आउँदो मातातीर्थ औंसीमा भेटाैंला ।
