-दीपा तिम्सिना पौडेल
जिबनमा यस्तो ठूलो बज्रपात परेको बेला
के बोलौ खै म आखाबाट वर्षा झरेको बेला
यथार्थ र देखावट यी दुई फरक कुरा हुन्छ
आउन्न पसिनाको गन्ध अत्तर छरेको बेला
म प्रति भरोसा गर भन्छ साथी नगरौं कसरी
बिच भङ्गालोमा छाड्यो खोला तरेको बेला
खालि पेट र रितो गोजि धेरैनै घातक हुन्छ
कसरी भुलौं संघ्रर्ष आज गोजि भरेको बेला
जिउदो हुदा राम्रो हुन सकिएन आफ्ना सामु
हुने छु असल पर्ख म पनि पक्कै मरेको बेला।
