-सुरेशकुमार पाण्डे
तिमी तक्दिरले बनाउँछौ तस्बिर फर्क यत्ति छ,
मैले तक्दिर बनाउँन खोज्छु भिर फर्क यत्ति छ।
पुजा कामलाई गर्ने की पुजा गरेर काम खोज्ने,
समय बुझ्न नसक्दा लाग्छ पिर फर्क यत्ति छ।
उसले फलामको शाङ्गलोलाई नै बलियो ठान्यो,
बुझिन ताकत कुरितीको जञ्जिर फर्क यत्ति छ।
मलाई जुनकुरामा पछुतो छैन धिकार्छ त्यसैमा,
ऊ सधै छुक्छ मेरो झुक्दैन सिर फर्क यत्ति छ।
हाम्रो शङ्घर्ष हुन्छ बिचार कत्ति मिल्दैन साथी,
बिचार व्यवहारले खिच्यो लकिर फर्क यत्ति छ।
घोराही-१८,दाङ
