काठमाडौँ । गृहमन्त्री ओमप्रकाश अर्याल राष्ट्रियसभा सदस्यका लागि सिफारिस भएका छन् । आइतबार बसेको मन्त्रिपरिषद् बैठकले अर्याललाई राष्ट्रियसभा सदस्यका लागि राष्ट्रपतिसमक्ष सिफारिस गर्ने निर्णय गरेको एक मन्त्रीले जानकारी दिए ।
राष्ट्रपतिले मनोनीत गर्ने एक सिटका लागि सरकारले सिफारिस गरेर पठाउनुपर्ने हुन्छ ।
राष्ट्रियसभाको एक सिटका लागि राष्ट्रपति रामचन्द्र पौडेल र प्रधानमन्त्री सुशीला कार्कीबीच प्रतिस्पर्धा चलेको विवरणहरू आएका थिए । प्रधानमन्त्रीको रोजाइमा अर्याल थिए भने राष्ट्रपतिले अरु कुनै व्यक्तिलाई बनाउन चाहेका थिए ।
अन्ततस् प्रधानमन्त्री कार्कीकै चाहनामा गृहमन्त्री अर्यालको नाम सिफारिस भएको हो । अब राष्ट्रपतिले अर्याललाई मनोनीत गर्नुपर्ने हुन्छ ।
