विराटनगर । नेपाल भ्रमण बर्षको प्रदेश १ मा भब्य उदेघाटन गरिएको छ । प्रदेश सरकारले एक बर्षमा ५ लाख पर्यटक भित्र्याउने उदेश्य सहित भ्रमण बर्षको भब्य उद्घाटन गरेको हो । अंग्रेजी नयाँ वर्षको शुभारम्भसँगै सन् २०२० लाई न्पाल सरकारले नेपाल भ्रमण बर्षको रुपमा घोषणा गरेसँगै आज बिराटनगरमा एक भब्य कार्यक्रमको आयोजना गर्दै भ्रमण बर्षलाई स्वागत गरेको हो । भ्रमण बर्षको उद्घाटन गर्दै प्रदेश १ का मुख्यमन्त्री शेरधन राईले प्रदेश १ मा प्रसस्तै संभावना बोकेका पर्यटकीय स्थलहरु रहेकोले ५ लाख पर्यटक भित्र्याईने दाबी गरे ।
विराटनगरको सहिद रंगशालामा तामझामका साथ शुरु भएको पर्यटन वर्षलाई स्वागत गर्नको लागि हेलिकोप्टरबाट पुष्पबृष्टी समेत गरिएको थियो । उद्घाटनसँगै अब पर्यटन क्ष्ँेत्रमा प्रदेश १ लाई १ नम्बर नै बनाएर छाड्ने मुख्यमन्त्री राईको भनाईछ । प्रदेशमा पर्यटन क्षेत्रले अहिले कुल ग्राहस्थ उत्पादनमा प्रदेश १ ले मात्र एक दशमलव ९३ प्रतिशत योगदान दिइरहेको उल्लेख गर्दै मुख्यमन्त्री राईले अबको बर्षमा पाँच प्रतिशत योगदान पुर्याउन बाटो तय गरीसकेको बताए । पर्यटन वर्ष मूल समिति अध्यक्ष उद्योग पर्यटन वन तथा वातावरणमन्त्री जगदीसप्रसाद कुसियैतले पर्यटन वर्षलाई भव्य रुपमा सफल बनाउन सरकारले कुनै कसरत बाँकी नराख्ने उद्घोष गरे ।
प्रदेश १ लाई आर्थिक रुपमा सबल बनाउनेको लागि पर्यटन क्षेत्रले ठुलो योगदान दिने भएकोले भारतीय पर्यटकलाई मात्र केन्द्रीत गर्ने हो भने ठुलो संख्यामा पर्यटक प्रदेश १ले पाउने बताईएको छ । भारतको पश्चिम बंगालबाट आएका पर्यटन व्यवसायी राज बसुले सिक्किम र पश्चिम बंगालसँग प्रदेश–१ ले ज्वाईन्ट सर्किट बनाएर पर्यटन प्रवद्र्धन गर्न सक्ने बताए । प्रदेश १ मा धेरै पर्यटकीय ठाउँहरु रहेकोले प्रदेश–१ ले सिक्किमसँग गुराँस सर्किट, रेडपाण्डा सर्किट र तराईमा हात्ती सर्किट बनाएर पर्यटकीय गतिविधि बढाउन सकिने उनको दाबी छ । यसरी सर्किट बनाएर गरिने पर्यटन प्रवद्र्धनका गतिबिधिले प्रदेश १ सहित बंगाल, बिहार र सिक्कीमले दुवैतर्फका प्रदेश सरकारले फाइदा लिन सक्ने बसुको भनाई छ । प्रदेश स्तरीय पर्यटन प्रवद्र्धन समितिका सहसंयोजक राजन श्रेष्ठले प्रदेश सरकारले शुरु गरेको अभियानबाट अब प्रदेश १मा पर्यटन क्षेत्रको ढोका खुलेको उल्लेख गरे ।
बिराटनगरको शहिद रंगशालामा १० हजार पर्यटक भित्र्याउने दाबी गरेको प्रदेश सरकारले उद्घाटनको क्रममा बिभिन्न ११ वटा झाँकीहरु प्रस्तुत भएका थिए भने त्यो सँगै बिभिन्न क्षेत्रबाट आएका सर्बसाधारण सहित संघ संस्थाहरु ब्यानर सहित प्रस्तत भए ।
https://www.facebook.com/ourbrt/videos/306784266890189/?v=306784266890189
