विराटनगर । विश्वभर फैलिरहेको कोरोना भाइरसको चिन्ता यति नेपालमा पनि आम नागरिकमा पर्न थालेको छ । हुन त नेपाल सरकारले यसबाट जोगिन विभिन्न स्वास्थ्य सुरक्षा अपनाइरहेको छ । अझ त्यसलाई सहयोग गर्दै विराटनगरका युवा अभिन्ताहरुले काधमा काध मिलाएर अगाडी बढीरहेका छन् ।
विराटनगरका सक्रिय युवा अभियान्ता पेरिस सुवेदीको नेतृत्वमा अन्य युवा सामाजसेवीको सहयोगमा कोरोना भाइरसको संक्रमणबाट जोगिनको लागी निशुल्क रुपमा हात सफा गर्ने सेनिटाइजर वितरण गरेका छन् ।
भिडियो
बजारमा अहिले सेनिटाइजर र मास्क भेटिन छाडेको छ । त्यसको लागी विराटनगरमा रहेको शिक्षादिप कलेजको विशेष सहयोगमा उनीहरmले घरम मै सेनिटाईजर बनाएर वितरण गरेका छन् ।
शिक्षादिप कलेजका प्रिन्सीपल ज्ञानु खड्काले र जेनेरल अस्पताल एण्ड ट्रमा कियर सेन्टरका प्रवन्धक जय प्रकाश राउ र मेनेजिङ डाइरेक्टर दिपक रायले सेनिटाईजर बनाउनको लागी सामाग्री उपलब्ध गराएका थिए । उनीहरुले घरमा रेक्टिफाइड स्प्रीड र ग्ल्स्रिीनको प्रयोगबाट हात सफा गर्ने सेनिटाइजर तयार पारेका थिए ।
कोरोना भाइरसको संक्रमणबाट जोगिन भन्दै विराटनगरका ६ स्थानमा ६ सय भन्द बढी सेनिटाईजर वितरण गरेका छन् । युवाहरुले प्रहरी, ट्राफिक , बालबालिका वृद्धवृद्धाहरुलाई सेनिटाईजर निशुल्क रुपमा वितरण गरेका हुन् ।
उनीहरुले विराटनगरको पूर्वाअञ्चल बाल आश्रममा रहेका बालबालिका तथा बृद्धबृद्धालाई ९० वटा भन्दा बढी सेनिटाईजर वितरण गरेका थिए । यसैविच विराटनगरमा रहेको जेनेरल अस्पताल एण्ड ट्रमा सेन्टरले कोरोना भाइरसको संक्रमणबाट जोगिने सन्देशमुलक पर्चासमेत बितरण गरेका थिए ।
यसैविच युवाहरुले विराटनगर १० मा रहेको मानव सेवा आश्रममा आश्रय लिइरहेका ३० जना भन्दा बढी महिला तथा पुरुषहरुलाई सेनिटाईजर वितरण गरेका थिए । कोरानो संक्रमणबाट जोगिन युवाहरुको समुहले आश्रममा आश्रय लिइहेका व्याक्तीहरुलाई सहयोग गरेको प्रति आश्रमका नवराज केसीले महत्वपुर्ण कार्यप्रति धन्यवाद प्रकट गरे ।
यसैविच युवाहरुले जिल्ला ट्राफिक प्रहरी कार्यालयका ट्राफिक प्रहरी र वडा प्रहरी कार्यालयमा समेत सेनिटाईजर वितरण गरेको छन् । उता पुष्पलाल चोकमा रहेका जेष्ठ नागरिककाहरु पनि सेनिटाईजर वितरण गरिएको छ । यसैविच २४ सै घन्टा अहोरात्र खटिने प्रहरीलाई पनि उनीहरुले कार्यालयमा पुगेर सेनिटाईजर वितरण गरेका छन् । जिल्ला प्रहरी कार्यालय मोरङका प्रहरी प्रमुख विश्व अधिकारी लगायत त्यहा कार्याररत २ सय बढी प्रहरीहरुलाई सेनिटाईजर वितरण गरेका छन् ।
निशुल्क सेनिटाईजर वितरण कार्यक्रममा युवा व्यावसायी भवेश पौडेल , दिपेन्द्र मरिक , रमेश कुमार राउत , अभिशेषक रोय दिप्सीका भारद्धवाज र चिरञ्जीवी आर्चाय लगायतको उपस्थित रहेको थियो ।
