विराटनगर । विश्वव्यापी महामारीको रुपमा फैलदै गएको कोरोना भाइरसको संक्रमणको सन्त्रास बढेसँगै अहिले भारतबाट नेपाल आउनेको संख्या बढेको छ । 
विराटनगर महानगरपालीको तथ्याङक् अनुसार विहीबार मात्र २४ हजार १ सय २३ जना भारतबाट नेपाल आउने मानिसको संख्या रहेको छ । विराटनगर महानगरपालीकाले नेपाल प्रवेश गर्ने स्थान जोगबनी रानी बोर्डरमा राखिएको डेल्थ डेक्समा गरिएको इन्फ्रा थर्मोमिटरबाट ज्वरो परीक्षण गरिदै आएको छ ।
गत फागुन २७ गतेदेखी रानी – जोगबनी बोर्डरमा राखिएको हेल्थ डेक्समा दैनिक भारतबाट आउने यात्रुहरुको ज्वरो नाप्ने काम गरिदै आएको छ । रानी बोर्डरमा प्रदेश सरकारसँग मिलेर ४ जना स्वास्थ्यकर्मीहरु खटाइएको छ । उनीहरुले दैनिकी नेपाल प्रवेश गर्ने आगन्तुकहरुको हिष्ट्री लिने काम गर्ने गरेका छन् ।
फागुन २६ गतेदेखि महागरपालिकाले हेल्थ डेस्कमा विहान र बेलुका गरी दुई चरणमा ४ जना स्वास्थ्यकर्मी परिचालन गर्दै आएको छ । यसअघि शुक्रबार सोही नाकामा १७ हजार ७ सय ५० जना र बिहीबार २४ हजार १ सय १३ जनाको स्वास्थ्य गरिएको महानगरले जनाएको छ ।
[caption id="attachment_113317" align="alignnone" width="2048"]
भारतबाट नेपाल प्रवेश गर्नेको संख्या देखाउदै विराटनगर महानगरपालीका फोकल पर्सन रमेश कार्की । तस्वीर ः प्रेम देवान[/caption]
एकै व्यक्ति सोही नाका भएर जोगवनी तथा विराटनगर पटक–पटक ओहोर–दोहोर गर्ने हुँदा आँकडा बढेको हेल्थ डेस्कले जनाएको छ। विराटनगरसँगै आसपासका क्षेत्रबाट सरसमान खरिदका लागि सर्वसाधारण जोगवनी पुग्ने गर्छन्।
