देशमा बेरोजगारी बढ्दो छ । मान्छेमा अहिके पनि अन्योलता छ कि ब्यवसाय गर्ने त के गर्ने तर ति अन्योल पात्रहरुको लागि एक उदाहरण हुन "दादा" नामबाट विराटनगरमा परिचित सन्तोष बसाक ।
उनी आज भन्दा २० बर्ष अघि भारतको बेङालबाट बिराटनगर आएका थिए । उनले १३ बर्षको हुदा देखि बिराटनगर मुल बजारमा रहेको बाणिज्य बैंक अगाडि एउटा सानो ठेला लगाएर आफ्नो ब्यवसाय सुरु गरेका थिए । उनलाई त्यति बेला धेरै मानिसले चिन्दैन थिए तर केटाकेटी उमेर मै गरेको त्यो मेहेनतको भने सबैले प्रसंशा गर्ने गर्थे ।
बिस्तारै मुख्य बजारमा उनले ठेलामा राखेको खाजा परिकारहरु चाउमिन, म:म ,अण्डा रोल, पास्ता र पाउ भाजी सबैमा लोकप्रिय बन्दै गयो । यसरी लगातार आज २० बर्ष देखि उनले गरेको ब्यवसायले उनलेे आफ्नो जीवन चलाएका छन् ।
उनी अहिलेे सबैमा "दादा" नामले परिचत छन।
उनको दैनिक ग्राहकको रुपमा विद्यार्थी देखि ठुला बैंकर,व्यवसायी पनि उनलाई समझेर आउने गरेको उनी सुनाउछन् । यति बेला उनले ठेला ठ्याक्कै घोघापुल चोकैमा राखेका छन् । उनको जीवन यसै व्यवसायले चलेको छ । महिनामा ५०-६० हजारसम्मको व्यापार हुने उनले बताए ।
मेहनत गरे सफलता पाइन्छ भन्ने उदाहरण उनी समाजमा बनेका छन् ।
उनले यो कोबिड- १९ को माहामारी फैलिरहेको बेला पनि समाजसेवी पपु अनसारीले रमजानको महिना भरी निशुल्क खाना खुवाउने अभियानमा आफू निशुल्क खटेर सहयोग गरेका थिए ।
