विराटनगर । भारतमा काम गर्न गएका नेपालीहरु जोगबनी नाका हुदै नेपाल आउने क्रम यतिबेला जारी छ । १५ दिनमा १७ सय बढी नेपाली नागरिकहरु जोगबनी नाका हुँदै नेपाल प्रवेश गरेका छन ।
गएको १५ दिनमा १ हजार ७ सय २९ जना जोगबनी नाका हुँदै नेपाल प्रवेश गरेको जिल्ला प्रहरी कार्यालय मोरङको तथ्यांकमा उल्लेख छ । उक्त संख्याका मानिसहरुमा १ हजार ४ सय ७५ जना पुरुष र २ सय ५४ जना महिला छन ।
सोहि अवधिमा भारततर्फ जाने भारतीय नागरिकहरुको संख्या २ हजार ४ सय २४ छ । भारततर्फ जानेहरुमा १ हजार ९ सय २० पुरुष र ५ सय ४ जना महिला छन । नेपाल तथा भारत दुई देशबीच भएको सहमति पछि गएको जेठ १३ गते यता दुई देशका नागरिकहरुको प्रक्रिया पुर्याएर आउजाउ शुरु भएको हो ।
