विराटनगर जेठ ३१, प्रदेश १ मा शुक्रबार ३० जनामा कोरोना संक्रमण पुष्टि भएको छ । अब संक्रमितको संख्या ३३४ पुगेको छ । झापामा १३ जना, सुनसरीमा १० जना, उदयपुरमा ३ जना, मोरङमा ३ जना र इलामा एक जनामा संक्रमण देखिएको हो । सबैको नमुना विराटनगर र धरानस्थित प्रयोगशालमा भएको थियो । अब प्रदेशमा कोरोना संक्रमितको संख्या ३३४ पुगेको छ ।
जिल्लागत रुपमा झापामा सबैभन्दा धेरै १६७ जना संक्रमित फेला परेका छन् । सुनसरीमा ५६, मोरङमा ४२, उदयपुरमा ४२, धनकुटामा ८, भोजपुरमा ६ र खोटाङमा ४ जना संक्रमित फेला परेका छन् । भोजपुरमा ६ र खोटाङमा ४ जना, सोलुखुम्बुमा एक जना, संखुवासभा र तेह्रथुममा दुई–दुई जना, इलाममा एक जना र ताप्लेजुङमा ४ जनामा कोरोना देखिएको सामाजिक विकास मन्त्रालयले जनाएको छ ।
हालसम्म १६३ जना संक्रमित उपचारपछि निको भएर घर फर्किएका छन् । संक्रमितहरूको कोसी अस्पताल, विराटनगर, बीपी कोइराला स्वास्थ्य विज्ञान प्रतिष्ठान धरान र पूर्वाञ्चल विश्वविद्यालय मेडिकल कलेजमा उपचार भइरहेको छ ।
