विराटनगर । उद्योग संगठन मोरङ, महिला उद्यम समितीले विराटनगरको कोचाखालमा रहेको विराट बहिरा माध्यमिक विद्यालयलाई एकथान भेण्डिङ्ग मेशिन सहयोग गरेको छ ।
उद्योग संगठन मोरंगका अध्यक्ष भीम घिमिरेले विराट विद्यालयका कार्यवाहक अध्यक्षलाई भेण्डिङ्ग मेशिन सोमबार हस्तान्तरण गरेका हुन् ।
उनले अहिले मानिसले आफुलाई स्वस्थ्य र सुरक्षित राख्न जरुरी रहेको बताउँदै महिला उद्यम समितिलाई धन्यवाद दिएका थिए ।
महिला उद्यम समिति संयोजक सन्तोष लुनावत जैनले महिला स्वास्थ्यलाई प्राथमिकता दिई भेण्डिङ्ग मेशिन हस्तान्तरण गरेको बताएकी थिइन् । मेशिन विद्यालयमा अध्ययनरत छात्राहरुको प्रयोजनको लागि हस्तान्तरण गरिएको हो ।
