विराटनगर । दुई जना छात्रालाई बालयौन दुव्र्यवहार गरेको आरोपमा पक्राउ परेका विराटनगरस्थित मदरसाका मोलबीलाई जिल्ला अदालत मोरङले ४ लाख धरौटिमा छोडन आदेश दिएको छ । विराटनगर–८ अशोक चौकस्थित मर्दसा रजाए मुस्तफा प्राथमिक विद्यालयका मोलबी ४१ वर्षीय अमिरुदिन भन्ने महमद अमिर मियाँलाई धरौटी आदेश गरिएको हो ।
जिल्ला अदालत मोरङका न्यायधीश राजकुमार कोइरालाको इजालासमा मंगलबार थुनछेक बहस भएको थियो । थुनछेक बहसपछि न्यायधीश कोइरालाले मियाँ विरुद्ध धरौटि आदेश गर्नु भएको हो । उनी विरुद्ध सोमबार मोरङ प्रहरीले जिल्ला सरकारी वकिलको कार्यालयमा अनुसन्धान प्रतिवेदन बुझाएको थियो । सरकारी वकिलको कार्यालयले सोमबार नै अदालतमा अभियोजन दर्ता गरेपछि मंगलबार अदालतमा थुनछेक बहस भएको थियो ।
मोरङ जिल्ला अदालतका सूचना अधिकारी युवराज पौडेलले बादी र प्रतिवादीका कानुन व्यवसायीहरूको बहस सकिएपछि इजलासले प्रतिवादीलाई २–२ लाख धरौटिमा छोडन आदेश गरेको जानकारी दिइएका छन् । अदालतले तोकेको धरौटी रकम बुझाएपछि मोलबी अमिर मंगलबार नै रिहा भएका छन् ।
