विराटनगर । इलाका प्रहरी कार्यालय इटहरीको थुनामा राखिएका व्यक्तिलाई कोरोना भाईरस पुष्टि भएपछि प्रहरी कार्यालयमा उच्च सतर्कता अपनाइएको छ ।
गत साउन ४ गते राजश्व चुहावट गरेको आरोपमा राजश्व अनुसन्धानको टोलिले पक्राउ गरेको उक्त व्यक्तिलाई इलाका प्रहरी कार्यालय इटहरीमा एक दिन राखिएको थियो ।
उनलाई थुनामा राख्नु अगाडी स्वाब संकलन गरिएको थियो । संकलित स्वाब परीक्षण गर्दा पोजेटिभ आएपछि पीयू कोभिड–१९ आईसोलेशन अस्पताल गोठगाउँमा भर्ना गरिएको थियो ।
बिभागले थुनामा राख्न पठाएको २५ वर्षिय युवकलाइ कोरोना पुस्टि भएसंगै प्रहरी कार्यालयको थुनामा रहेका ८ जनाको पीसीआर चेकजाँच गरिने भएको छ । कोरोना संक्रमित भनिएका ब्याक्ति इप्रका इटहरीको थुनुवा कक्षमा रहेका ८ जना संगै बसेको पनि पुस्टी भएको छ । संगै बसेका ८ जना थुनुवासँगै उनीहरुको सम्पर्कमा रहेका चारजना प्रहरीहरुको समेत परीक्षण गरिने भएको छ ।
