सुनसरी ।स्कारपियोको ठक्करबाट मोटरसाईकल चालकको मृत्यु भएको छ । मृत्यु हुनेमा सुनसरी ईटहरी उप-महानगरपालिका वडा ६ बस्ने ३४ बर्षिय शंकर पोख्रेल रहेका छन् ।
आइतबार बिहान १०:१५बजे पथरीशनिश्चरे नगरपालिका वडा २ जयचोक स्थितमा बा २० च २१६२ नम्बरको स्कारपियोले प्रदेश १-०२-०४४ प ९९४२ नम्बरको मोटरसाईकललाई ठक्कर दिँदा घाईते भएका पोख्रेललाई उपचारको लागि पथरी अस्पताल पुर्याईएकोमा उपचारको क्रममा आइतबार १०:४५ बजे मृत्यु भएको हो ।
स्कारपियो र चालक सप्तरी फत्तेपुर नगरपालिका वडा १ बस्ने २६ बर्षिय रोशन बि.क.लाई ईलाका प्रहरी कार्यालय पथरीले नियन्त्रणमा लिई थप अनुसन्धान गरिरहेको जनाएको छ ।
