सुनसरी । सुनसरीको बराहक्षेत्र नगरपालिका वडा ६ बाट लागुऔषध गाँजा र साईकल सहीत २ जनालाई प्रहरीले पक्राउ गरेको छ ।
पक्राउ पर्नेहरुमा बराहक्षेत्र वडा ३ बस्ने २८ बर्षीय नगेन राई र चौदण्डीगढी नगरपालिका वडा १ बस्ने ३२ बर्षीय नबहाङ किराती राई रहेका छन् । ईलाका प्रहरी कार्यालय महेन्द्रनगरबाट खटिएको क्यु आरटी टोलीले मंगलवार राती चेक जाँचको क्रममा निजहरुबाट ६ केजी लागुऔषध गाँजा र २ वटा साईकल सहित नियन्त्रणमा लिएको ईलाका प्रहरी कार्यालय महेन्द्रनगरले जनाएको छ ।
घटना बारेमा थप अनुसन्धान भईरहेको ईलाका प्रहरी कार्यालय महेन्द्रनगरले जनाएको छ ।
