विराटनगर । मोरङ जहदा गाउँपालिका ४ रामचौक स्थित लोहन्द्रा पुल मुनि खोलामा घाईते भेटिएका साईकल यात्रीको मृत्यु भएको छ । मृत्यु हुनेमा ३५ बर्षीय राजेश ऋषिदेव रहेका छन् ।
ऋषिदेव शुक्रबार बेलुका ७ बजे पुलमुनि घाइते अवस्थामा फेला परेका थिए । सिमा प्रहरी चौकी पोखरियाको टोलिले उनलाई शुक्रबार बेलुका उद्धार गरेर उपचारका लागि कोशी अस्पताल पठाएको थियो । उपचारका क्रममा उनको मृत्यु भएको हो । प्रहरीले घटनाको सम्बन्धमा थप अनुसन्धान गरिरहेको छ ।
