विराटनगर । झापाको मेचीनगर नगरपालिका क्षेत्रमा लगातार दिनप्रतिदिन आगलागी घटना भैरहेको छ । मेचीनगर नगरपालिकाको दमकल बिग्रेको अवस्थामा राखिएको भन्दै स्थानीयबासी आन्दोलित भएका छन् ।
झापाको मेचीनगर नगरपालिका वडा नं. १४ दुहागडीमा रहेको मगमग चाउचाउ कारखानामा शनिवार विहान भीषण आगलागि भएको थियो । भने पुन:आइतबारमात्र मेचीनगर वडा ६ का दुईवटा घर जलेर ध्वस्त भएका छन् ।
मेचीनगरबासीले पूर्वपश्चिम राजमार्ग अवरुद्ध गर्दै प्रदर्शन गरिरहेका छन् । मेचीनगर वडा ६ काँकडभिट्टामा आइतबार बिहान आगलागीबाट दुई घर जलेका हुन् ।
आगलागीबाट भानु टोलका नारायण तिम्सिना र पासाङ तामाङको घर क्षणभरमै जलेर खरानी भएका छन् । आगो निभाउन मेचीनगरको दमकल घटनास्थलमा पुग्न नसकेका कारणले स्थानीयबासी आक्रोशित भएका हुन्।
मेचीनगर नगरपालिकाको दमकल बिग्रेको करिब एक महिला बित्न लागेको छ। यही समयमा मेचीनगरका ठूला उद्योगमा र घरहरुमा निरन्तर आगलागी भइरहेको छ।
