विराटनगर । झापाको मेचिनगर नगरपालिका वडा १३ सुगम टोल स्थित फुलबासा खोलामा करेन्ट लागी १ जनाको मृत्यु भएको छ ।
मृत्यु हुनेमा सोहि स्थानका ५० बर्षीय मान बहादुर बराईली रहेका छन । शनिबार बेलुका करिब ४ बजे बराईलीले आफ्नै घरबाट बिजुलिको तार जडान गरी खोलामा माछा मार्ने क्रममा अचानक करेन्ट लागि घाईते भएका उनको उपचारको लागी बिर्तामोड लगिएको थियो। उपचारको लागि लग्ने क्रममा बाटाेमा नै बराईलीको मृत्यु भएको हो ।
घटना बारेमा थप अनुसन्धान भईरहेको ईलाका प्रहरी कार्यालय धुलाबारीले जनाएको छ ।
