विराटनगर । झापाको बिर्तामोडको दुई स्थानबाट लागुऔषध ब्राउन सुगर सहित दुई जनालाई पक्राउ गरिएको छ ।
पक्राउ पर्नेमा झापा गाउँपालिका वडा ४ बस्ने १९ बर्षीय अब्दुल अन्सारी र बिर्तामोड नगरपालिका वडा ४ बस्ने १९ बर्षीय उत्तम बर्देवा रहेका छन् । बुधबार बेलुका करिब ५ बजे ईलाका प्रहरी कार्यालय अनारमनीबाट खटिएको प्रहरी टोलीले बिर्तामोड नगरपालिका ४ पश्चिम स्टेनबाट अब्दुल अन्सारीलाई ब्राउन सुगर ५ ग्राम र बुधबार बेलुका करिब ४:३० बजे प्रहरी चौकी बिर्ताबजारबाट खटिएको प्रहरी टोलीले उत्तम बर्देवालाई घरैबाट ब्राउन सुगर ८०० मिलिग्राम सहित पक्राउ गरिएको हो ।
पक्राउ परेका दुवैजनालाई ईलाका प्रहरी कार्यालय अनारमनीबाट थप अनुसन्धान भईरहेको जनाएको छ ।
