विराटनगर । सुनसरीको दुहबी नगरपालिका–८ सोनापुर स्थित टेंग्रा खोलाको छेवमा एक व्यक्तिको शव फेला परेको छ ।
टेङग्रा खोलाको छेवमा नाम ठेगाना नखुलेको अन्दाजी ४०/४५ वर्षको शव फेला परेको हो । शव देखेपछि स्थानीयले प्रहरीलाई खबर गरेका थिए । खोलाको छेवमा घोप्टो परेको अवस्थामा उनको शव फेला परेको हो ।
मृतकको शवलाई पोष्टमार्टमका लागि जिल्ला अस्पताल पठाइएको र घटनाबारे थप अनुसन्धान भइरहेको ईलाका प्रहरी कार्यालय दुहबीले जनाएको छ ।
