विराटनगर । विराटनगर महानगरपालिले सरसफाईकर्मी (सफाई मजदुर) को निःशुल्क स्वास्थ्य परीक्षण सुरु गरेको छ ।
महानगरपालिकाले सरसफाईकर्मीको स्वास्थ्य परीक्षणसँगै स्वास्थ्य अभिमुखीकरण कार्यक्रम समेत आयोजना गरेको हो ।
विराटनगर महानगरपालिका शहरी स्वास्थ्य महाशाखा प्रमुख दिलिपकुमार यादवका अनुसार झण्डै ३०० संख्यामा रहेका सफाई मजदुरको स्वास्थ्य परीक्षणका साथै अभिमुखीकरण गरिने छ । दैनिक सरसफाईमा खटिने मजदुरहरुको स्वास्थ्यमा कुनै समस्या रहेको वा नरहेको भन्ने यकिन गर्न समेत स्वास्थ्य शिविर आयोजना गरिएको यादवको भनाई छ ।
महानगरपालिकाले नेपाल डेब्लोप्मेन्ट सोसाईटीसँग महानगरले सहकार्य गरी कार्यक्रम गरेको हो । मुख्य गरी छाला, श्वासप्रश्वास, आँखा जाँचलाई प्राथमिकतामा राखिएको छ ।
एचआईभी, हेपटाईटिस वि, हेपटाईटिस सि, टिवरक्लोसिस, सुगर लगायतको विशेष जाँच भईरहेको नेपाल डेब्लोप्मेन्ट सोसाईटी सोलिड हेल्थकी प्रोजेक्ट डाईरेक्टर गीता साहले जानकारी दिईन् ।
