विराटनगर । गत असोज ५ गते पथरीशनिश्चरे नगरपालिका ७ मायालु चोकका ६२ वर्षीय चन्द्रबहादुर तामाङको उनकै ज्वाँईबाट हत्या भयो । तामाङको आफ्नै घरमा उनका ज्वाँई कानेपोखरी ५ का २९ वर्षीय रविन राईले धारिलो हतियार प्रहार गरेर हत्या गरेको खुलेको हो ।
मृतक तामाङ र राई, ससुरा–ज्वाँई हुन् । घटना हुनु अगाडी ससुरा–ज्वाँईसँगै मदिरा सेवन गरेर बसेको प्रारम्भिक अनुसन्धानबाट खुलेको प्रहरीले जानकारी दिएको छ । मदिरा सेवनपछि बादविवाद हुँदा धारिलो हतियार प्रहार गरेर राईले तामाङको हत्या गरेको खुलेको प्रहरीले जानकारी दिइएको छ ।
घटनापछि राई तत्काल फरार भएकोमा खोज तलासको क्रममा मिति २०८१ असोज ६ गते ईलाका प्रहरी कार्यालय पथरीबाट खटिएको प्रहरी निरीक्षक समेतको टोली एवं जिल्ला प्रहरी कार्याल धनकुटाको समन्वयमा जिल्ला धनकुटा मुलघाट भन्ने स्थानमा फेला पारी पक्राउ गरेको थियो । घटनाका अनुसन्धान गर्नको लागी असोज ७ गते मोरङ जिल्ला अदालतबाट दिन चार दिन म्याद थप गरिएको छ ।
