विराटनगर । सुनसरीको इटहरी उप–महानगरपालिका–२० पानीपिया जंगलस्थित कोशी लोकमार्गमा लागुऔषध गाँजा बोकेको स्कारपियो गाडी प्रहरीले नियन्त्रणमा लिएको छ । सोमबार साँझ कोशी प्रदेश प्रहरी कार्यालय बिराटनगर तथा इलाका प्रहरी कार्यालय धरान र इटहरीबाट परिचालन भएको प्रहरी टोलीले रोकेर राखेको स्कारपियोबाट गाँजा बरामद गरेको हो ।
विशेष सूचनाका आधारमा प्रहरीको टोलि त्यहाँ पुग्दा को. १ च ७६८९ नम्वरको स्कारपियो रोकिएको थियो । गाडी भित्र चेकजाँच गर्दा ३०९ किलोग्राम गाँजा बरामद भएको थियो ।
उक्त स्कारपियो र गाँजा प्रहरीले नियन्त्रणमा लिई सवारी चालकको खोजतलास गरीरहेको प्रहरीले बताएको । घटनाको अनुसन्धान इलाका प्रहरी कार्यालय इटहरीबाट आवश्यक अनुसन्धान तथा कानुनि कारवाही भईरहेको छ ।
